Rama takim me rektorët: Duhet modernizuar sistemi universitar

Kryeministri Edi Rama po zhvillon sot një takim me rektorët e Universiteteve Publike dhe Jopublike për të diskutuar mbi procesin e rankimit të institucioneve të arsimit të lartë.

Gjatë fjalës së tij, Rama nënvizoi se duhet modernizuar sistemi universitar.

“Në takimin e Pragës unë e kam ngritur temën e universitetit si një temë që duhet konsideruar nga BE për t’u trajtuar dhe adresuar papritur që Shqipëria dhe vendet e Ballkanit Perëndimor të bëhen anëtarë të BE-së. Ne kemi si vende kandidate ne negociojmë me BE anëtarësimin tonë një akses të pjesshëm të sistemim europian të arsimit të lartë dhe në financimet përkatëse.

Duhet modernizuar sistemi universitar. Unë dua ti falënderoj rektorët se shikojmë hapa shumë inkurajues. Dua të sjell një shifër shumë domethënë të universitetit të Tiranës, i cili e ka rritur numrin e përfituesve nga fondet europiane, nga më pak se 50 përfitues në më shumë se 400 përfitues.  Është impakt i drejtpërdrejt i lidershipit të ri të Tiranës, duke bërë që kapaciteti ynë financues për kërkimin shkencor të rritet në mënyrë shumë të ndjeshme”, u shpreh Rama.

“Treguesi është shumë i qartë, ne në sistemin tonë universitar kemi më shumë kapacitete çka mund të lexohen në sytë e opini0onit publik, si rezultat i një periudhë shumë të gjatë amullie dhe prapambetje në trajtimin e burimeve njerëzore”, tha më tej Rama.

LEXONI GJITHASHTU:

• Rama hedh idenë: UT-ja dhe Mjekësia të bashkohen, do rriteshim në rankim
• Rankimi i universiteteve shqiptare, Rama: E papranueshme, nuk pasqyron kapacitetet