Vdekja e 32-vjeçarit, gazetari: Policia e Shtetit dha deklarata kontradiktore

Gazetari Elkier Bushkolaj deklaroi se Policia e Shtetit ka dhënë deklarata kontradiktore në lidhje me vdekjen e 32-vjeçarit, Laer Kurtit pas shoqërimit në komisariat.

Në një intervistë për Euronews Albania, Bushkolaj u shpreh se Spitali i Traumës përgënjeshtroi deklaratën e policisë, e cila tha se i riu u dërgua me shenja jete në spital.

Sipas tij, duhet të nxirren përgjegjësit për këtë rast.

“Kam përshtypjen që kemi deklarata kontradiktore nga Policia e Shtetit, pasi në deklaratën e saj të parë u shpreh se 32-vjeçari ka ndërruar jetë në Spitalin e Traumës, ndërsa Spitali i Traumës pretendon se ka mbërritur i vdekur.

Sa kohë personi ka pasur probleme shëndetësore, detyra e efektivëve të policisë, ka qenë për ta dërguar në ambientet e spitalit dhe jo në ambientet e komisariatit. Duhet të kemi përgjegjës nga ana e policëve  që kanë qenë në patrullë, duhet të nxirren përgjegjësitë në rastin konkret”, theksoi ai.

LEXONI GJITHASHTU

• I birësuar që dy vjeç, Laer Kurti i skeduar nga policia, priste gjyqin javës tjetër
• Prokuroria për vdekjen e 32-vjeçarit: S’kishe shenja dhune në trup, gëlltiti drogë
• Euronews Albania pranë banesës së 32-vjeçarit, miqtë nuk lejojnë kamerën të afrohet