Meta i përgjigjet Ramës për ligjin e dosjeve: Do të shmangë vëmendjen nga vjedhjet

Pas mesnatës së të premtes u miratua ligji për hapjen e dosjeve. Në parlament, Rama u shpreh se kjo do ndihmonte të sqarohej njëherë e mirë se kush është personazhi me iniciale I.M.

Sipas Metës, Rama kërkon të shmangë vëmendjen nga 1 miliard dollarë të reja që planifikon për 7 kontrata të reja për vitin që vjen.

Ai tha se në ato kontrata janë paratë për pedagogët, studentët, pensionet dhe rrogat, të cilat kryeministri nuk po i rrit, sepse sipas kreut të Partisë së Lirisë i duhen për t’i vjedhur.

Projektligji erdhi pas kërkesës së autoritetit, pasi doli një dosje ku pretendohej se një person me iniciale I.M, që dyshohet se është ish-presidenti Ilir Meta, ka qenë bashkëpunëtor i sigurimit të shtetit, gjë që sipas tij nuk është e vërtetë.

“Dëshiron ti ta dish kush është shtetasi I.M.? Mbase është ai ose mbase nuk është ai. Të çlirohemi të gjithë nëse shtetasi I.M nuk është ai që të gjithëve i shkon mendja. Pse nuk vjen këtu Partia e Lirisë dhe Liria e Partisë këtu? Sepse nuk e kanë dashur kurrë hapjen e dosjeve; sepse kanë dashur që sa më shumë hije të vijnë vërdallë”, u shpreh kryeministri në parlament.

Kuvendi i Shqipërisë ka miratuar me 94 vota pro dhe 1 abstenim disa amendamente në ligjin e dosjeve të sigurimit të shtetit, ku bëhet e mundur hapja e të gjitha dosjeve nga viti 1944 deri në 1991.

LEXONI GJITHASHTU:

• Ilir Meta solidarizohet me pedagogët: Unë para 20 vjetësh i rrita pagat me 58%
• ‘Po isha unë Alende, Rama s’do ishte dot Pinoçet’, Meta përgjigjet për “Dosje
• Emrat e deputetëve që votuan pro hapjes së dosjeve të ish-Sigurimit (LISTA)