“O Zot të qash a të qeshësh“, Rama reagon sërish ndaj akuzave për charter-at

Kryeministri Edi Rama ka reaguar sërish për akuzat e opozitës mbi udhëtimet me chartera.

Në një postim që ka bërë në Twitter, Rama shkruan se vetëm në vendin tonë ndodh që opozita e rublave të shpifë e të gënjejë dhe pastaj kërkon të bëhet transparencë.

Sipas tij, ajo që po kërkon të bëjë opozita është të helmojë shqiptarët me helm dhe shpifje.

“O Zot, të qash a të qeshësh, vetëm këtu bën vaki të të dyndin me shpifje dhe të të thonë bëj transparencë! Po si bëhet kjo transparenca, kur u tregon shifrat dhe bëjnë sikur nuk kuptojnë?! Po kur thonë pse i bën reklamë Shqipërisë? Po kujt t’i bëj, kanaleve, portaleve apo rublave?!

Jemi pyetur shumë herë këto vite për avionin ALBANIA dhe i kemi dhënë informacionet, por tani u bashkuan hakerat iranianë dhe grupi Rubla Çorba, kështu që u ngrit tymi lart se helbete, duhet hedhur sa më shumë blozë, “S’ka asnjë faj Putini, çohu o popull se duhet rrëzuar regjimi!”

Lëre pastaj kur thonë me charter udhëtojnë vetëm sheikët e diktatorët, ndërkohë që tërë qeveritë e rajonit, se të Europës po e po kanë avionët e tyre, përjashto Shqipërinë e Kosovën! Ne s’e blejmë dot, me qera s’e marrim dot, ndaj kemi blerë orë fluturimi me marrëveshje promocionale!

Po ku është hilja thonë, se s’ka mundësi?! Ka, si s’ka! Hilja është ashiqare fare tek përpjekja non stop për ta helmuar, çoroditur, nxitur për sherr e për konflikt këtë popull me shpifje sa më të përbindshme, nisur nga gjysëm të vërteta që janë edhe gënjeshtrat më të mëdha!”- shkruan Rama

LEXONI GJITHASHTU: 

• Në kërkim për përdhunim, u dorëzohet autoriteteve greke 45-vjeçari
• Price: I kërkuam Kosovës shtyrjen e plotë e jo të pjesshme të vendimit për targat