Dhunimi i të moshuarës në Pejë, Zeka: Kam takuar djalin e saj dëshmor në luftë

Gazetari Milaim Zeka është shprehur se e ka takuar dëshmorin Taulant Nurën, djalin e të moshuarës që u dhunua në azilin më Pejë pak ditë më parë.

Në një intervistë për Euronews Albania, Zeka theksoi se Nurën e ka intervistuar gjatë kohës që ishte në luftë, ndërsa shtoi se asokohe bëheshin debate që i riu të mos ishte pjesë e UÇK-së për shkak të moshës.

“Gjatë luftës kam intervistuar djalin e saj në luftë. Ishin bërë debate që ai mos të shkonte në luftë sepse ishte shumë i ri. Të vihet në dorë mbi një nën është mallkimi që i bëhet një personi. Ajo që më kanë shqetësuar më shumë, e qeshura e kësaj sadisteje dhe mos reagimi i këtyre idioteve të tjera”- theksoi Zeka.

Ngjarja e rëndë ka ndodhur në Qendrën për të Moshuar “Orenda” në Pejë, ndërsa video e filmuar u përhap menjëherë në mediat sociale.

I menjëhershëm ka qenë dhe reagimi i autoriteteve të cilët kanë bërë të mundur dhe arrestimin e infermieres, Aurona Pelaj dhe dy infermiereve të tjera.

E moshuara e dhunuar është nëna e dëshmorit Taulant Nuraj i cili ka humbur jetën në moshën 17-vjeçare në luftën kundër Serbisë.

Veprimi i të resë ndaj të moshuarës ka marrë reagime të shumta në opinionin publik në Shqipëri dhe në Kosovë.

LEXONI GJITHASHTU: 

• ‘Të moshuar që lidhen me zinxhirë’, denoncimi i Pirdenit për azilet në Tiranë e Fier
• VIDEO| Dhunuesja e të moshuarës në Pejë duke dalë nga gjykata
• Detaje nga dhunimi i nënës së heroit në Pejë, familjarët paguanin 650 euro në muaj