Dervishi: Skaneri tregon gjithçka, kalimi i kokainës, dëshmi si korruptohet sistemi

Gazetari Ferdinand Dervshi deklaroi se skenari mund të tregojë gjithçka brenda një kontejneri.

Në emisionin “Review” në Euronews Albania, Dervishi u shpreh se kalimi i 33.5 kg kokainë në Portin e Durrësit, është dëshmi sesi është korruptuar sistemi.

“Nuk është kaq e thjeshtë Sqipëria sa duket, kërkesa vitet e fundit është shumë e madhe për kokainën, porositë janë shumë të mëdha, grupet kriminale paguajnë shumë. Gjithsesi, në gjithë këtë histori, ajo që është më e dukshmja dhe më e vërtetueshmja, është problemi i skanerit, që këtë sasi droge nuk e kapi skaneri dhe policia ka arrestuar punonjësit e skanerit.

Skaneri është investim i qeverisë shqiptare që mund të shikohet gjithçka në një kontejner. Më treguan një rast sesi kishte rënë një çelës metalik në kontejner dhe skaneri e kishte kapur. Specialisti i skanerit nuk të fal, nëse ai do, kap gjithçka. Është rasti klasik sesi është korruptuar sistemi te skaneri “, theksoi ai.

LEXONI GJITHASHTU

• Qafa: S’është mbyllur hetimi për sasinë e parë, po hetohen punojnësit e kompanisë
• Avokati i Trifon Murataj tregon itenerarin e kontejnerit ku u zbulua kokaina
• Në kërkim për kapjen e 33.5 kg kokainë në Durrës, avokati: Ku ndodhet Trifon Murataj