‘Shqipja s’ka një fjalor të plotë’, Rama ngre shqetësimin në kongres

Këtë të hënë, kryeministri Edi Rama apeloi sot për një punë më të madhe për një fjalor të plotë të gjuhës shqipe.

Rama ngriti shqetësimin se ende nuk kemi një fjalor të plotë të gjuhës shqipe.

“Albanologu i famshëm Robert Elsie thoshte ‘Mua më vjen shumë keq që kur lexoj në shqip dhe nuk e kuptoj një fjalë, nuk e gjej dot në një fjalor’. Fjalori i shqipes zyrtare është vetëm gjysma e shqipes së vërtetë. Unë shpresoj që ne do t’ia dalim të kemi një fjalor të ri. Edhe një histori të shqiptarëve, dhe pastaj edhe një enciklopedi që edhe për këtë ka filluar puna”, tha Rama gjatë fjalës së tij në Konferencën Jubilare të 50-vjetorit të Kongresit të Drejtshkrimit.

Kreu i qeverisë nënvioi se në fakt gjuha e njësuar është e rrezikuar sot për shkak të mungesës së personaliteteve, që sipas tij nuk kanë të krahasuar me ato të 5 dekadave më parë.

LEXONI GJITHASHTU:

• “Mungesë personalitetesh”, Rama: Gjuha e njësuar shqipe është e rrezikuar
• Fyerjet e Ramës ndaj opozitës, Tabaku: Sjellje e tij sa herë ka një aferë korruptive
• Tabaku për Portin e Durrësit: Rama i jep 812 mijë m2 tokë shtetërore investitorit