Shtyhet sërish seanca për ekstradimin e bosit turk të kriptomonedhave

Është shtyrë sërish seanca gjyqësore për ekstradimin e shtetasit turk, Faruk Fetih Ozer, i akuzuar për mashtrimin me kriptovalutat.

Avokati mbrojtës i tij ende nuk e ka depozituar kërkesën me shkrim për shkarkimin e gjyqtarit të çështjes, dhe sot është afati i fundit.

Në këto kushte, gjyqtari aktual Elis Dine nuk mundet të marrë dot vendim, ndaj sot u dëgjuan vetëm pretendimet e avokatit mbrojtës.

Mbrojtja kërkon mosekstradimin e shtetasit turk në Turqi, pasi sipas tyre ndihet në rrezik për jetën. Më herët kanë deklaruar se ndaj tij është zhvilluar një sulm politik.

Avokati mbrojtës kërkon që gjykata e Elbasanit të mos nxitohet në kryerjen e ekstradimit të turkut, i cili në Turqi rrezikon më shumë se 400 vite burg sipas sistemit të drejtësisë turke që i përllogarit dënimet për secilin të dëmtuar nga aktiviteti i tij në atë vend.

LEXONI GJITHASHTU:

• Arrestohet shqiptari, ndihmoi në strehimin e “bosit” turk të kriptomonedhave
• Turqia kërkon ekstradimin e “bosit të kriptomonedhave”