Berisha: ‘Inceneratorët’ krim i Ramës, SPAK s’e shpëton dot nga gjyqi publik

Kryetari i PD-së, Sali Berisha komentoi arrestet e nxjerra për inceneratorin e Fierit pak ditë më parë, duke akuzuar SPAK se po ua shet shqiptarëve këtë aferë korruptive, si aferë të disa punonjësve.

Në bashkëbisedimin e përjavshëm me gazetarët, Berisha u shpreh se inceneratorët janë sipërmarrje direkte e Ramës, Agaçit, Ahmetit, Veliajt dhe Lefter Kokës. Sipas tij, SPAK nuk mund ta shpëtojë kurrë Edi Ramën nga gjyqi publik.

“Janë sepse Edi Rama për të mbushur thasët me euro, për të përvetësuar së bashku me grupin e tij mafioz të përbërë nga personat që numërova, pranoi të firmosë në kundërshtim flagrant me ligjet e vendit, në kundërshtim flagrant me qëndrimin e autoritetit kombëtar të prokurimeve publike, i cili i thotë me shkresë që procedura “negociatë e mbyllur” nuk ekziston në ligjin shqiptar, ekziston vetëm në kodet e mafies”, tha Berisha.

LEXONI GJITHASHTU:

• 5 të arrestuarit për inceneratorët para GJKKO
• Pse kanë ngecur hetimet për inceneratorin e Tiranës? Përgjigjet gazetari Ferhati