“S’e japim Fierin për Brukselin”, Klosi përplaset me Lelën: Jeni haxhiqamilë

Deputeti i PS, Blendi Klosi ëshët përplasur me gazetarin Alfred Lela në emisionin Now, në Euronews Albania lidhur me protestën e PD në 6 dhjetor.

Sipas Klosit, me protestën e PD ditën që në Tiranë pas 32 vjetësh vijnë kaq shumë përfaqësues të Bashkimit Evropian, do të mbahet mend historikisht që për herë të parë një pjesë e politikës shqiptare shfaqet kundër BE.

“Duke dalë në protestë, duke bllokuar rrugët, shqetësimi ynë është që është dita e parë që në Tiranë vijë kaq shumë liderë të BE, një pjesë e politikës sonë del kundër NE. Që nga ky moment do kemi në Shqipëri jo më atë që kemi thënë që 99 për qind e shqiptarëve janë pro BE. Është hera e parë që një grup politik del kundër BE pas 110 vjetësh, mund të kenë dalë edhe në kohën e Haxhi Qamilit, kampi tjetër e di më mirë këtë”, tha Klosi.

Gazetari Lela i kujtoi Klosit atë që socialistët thoshin në 2009 ‘se nuk e japim Fierin për Brukselin’, ndërsa ritheksoi se protesta e opozitës nuk është kundër BE dhe se të gjithë ata që do protestojnë janë për Bashkimin Evropian.

LEXONI GJITHASHTU:

• S’ka lidhje me ndërkombëtarët, Spahiu: Ja pse protesta e PD është lënë në 6 dhjetor
• ‘Protesta e PD jo kundër evropianëve’, PD: Rama shpif për të mbuluar korrupsionin