Eksperti i IT për bankat online: Nuk ka rrezik të na vjedhin paratë

Eksperti i IT Said Duleviç është shprehur se nuk ka rrezik që të na vjedhin paratë nëse bankat e nivelit të dytë do të kalojnë në platformën E-albania.

I ftuar në emisionin “Good Morning Albanians” në Euronews Albania, ai tha se numrat blihen online, ndërsa shtoi se është e pamundur të bëhen transaksione nga dikush tjetër për aq kohë sa ti e ke aktiv numrin tënd.

“Janë  numra virtual që blihen online pa qenë nevoja që të vendosësh SIM kartë. Nuk mendoj se dikush mund të marrë numrin tim. Problemi më i madh nëse numrin  e lë pasiv dhe dikush tjetër mund ta marrë të njëjtin numër. Por në rastet e tjera kur ti e ke aktiv telefonin dhe  numrin tënd nuk besoj se dikush ka akses që të marrë kodin dhe të bëjë transaksione”- tha ai.

Në fillim të vitit që vjen bankat tregtare dhe Agjencia Kombëtare e Shoqërisë së Informacionit (AKSHI) pritet të nisin ndërveprimin midis portalit e-Albania dhe platformave bankare të internet banking. Kjo do të mundësojë kryerjen e pagesave të tarifave për shërbimet e ofruara nga e-Albania direkt nëpërmjet llogarive bankare.

Burime nga sektori bankar bëjnë të ditur se ndërveprimi do të bëhet me një autentifikim të veçantë të klientit për hyrjen në platformën e e-banking nga e-Albania, të njëjtë me procedurën që ndiqet për akses nëpërmjet faqes apo aplikacionit të bankës. Ky filtër sigurie tenton të parandalojë ekspozimin e të dhënave të llogarive bankare ndaj rreziqeve të sigurisë që mund të vijnë nga sulmet kibernetike.

LEXONI GJITHASHTU: 

• A do e dijë shteti sa para kemi në llogari? Sqaron eksperti i IT
• Të shtëna me armë në SHBA, një burrë vret 10 persona në supermarket