Gazetari Lita: Josifi është një mashtrues i kalibrit ndërkombëtar

Autoritetet spanjolle kanë lëshuar një urdhër-arresti për Amant Josifin, pronar call-center në Shqipëri.

Gazetari Lavdrim Lita tha në një intervistë për Euronews Albania se Josifi është një mashtrues i kalibrit ndërkombëtar, i cili bashkëpunonte me mafian gjeorgjiane dhe disa individë gjeorgjianë -izraelitë.

Përmes skemave të mashtrimit, sipas gazetarit, ai në bashkëpunim me grupin e tij ka arritur të zhvatë mbi 200 mijë persona në Europë.

Sa i përket punës së SPAK, gazetari tha se në aksionin e kryer në nëntor, Josifi nuk u përmend me emër nga Prokuroria e Posaçme për shkak të lidhjeve me pushtetin.

“Policia shqiptare, e cila ka bërë gjithë operacionin në Shqipëri, është ndihmuar në ekspertizë nga policia spanjolle. Ndërkohë policia gjermane kishte shkuar në Gjeorgji ku kërkohej ortaku i Josifit, ata nuk e kanë gjetur Josifin në Shqipëri dhe kanë menduar që ka qenë jashtë.

SPAK, i cili ka monitoruar aksionin në Shqipëri, gjatë konferencës në shtypit në nëntor nuk e ka bërë emrin të ditur për mediat, sepse e ka referuar si një person me pushtet. Duhet të jetë larguar nga posti. Nuk e di se si ka hyrë ai në ministri, kur duhet të ketë një certifikatë sigurie”, u shpreh ai.

Media më e madhe spanjolle “EL PAIS”, shkruan se Josifi ka lidhje të nivelit të lartë me qeverinë shqiptare, si dhe është këshilltar i Ministrisë së Mbrojtjes.

Ky zbulim është bërë pas aksionit që u iniciua nga policia spanjolle dhe që çoi në kontrolle dhe arrestime në Shqipëri.

LEXONI GJITHASHTU:

• Shtyhet gjyqi i Arbër Paplekaj, ish-efektivi i akuzuar për vrasjen e 21 prillit 2021
• “Do çojmë në Bruksel shqetësimet e shqiptarëve”, Tabaku: Çfarë miratoi PE dje
• Xhaçka takon ministrin Dendias në Athinë: Diskutim konstruktiv mes dy vendeve