Rrumbullaku: Siguria e liderëve perëndimorë mbi dëshirën gjeografike për protestë

Mëngjesin e së shtunës, drejtori i Përgjithshëm i Policisë së Shtetit, Muhamet Rrumbullaku gjatë një konference për mediat tha se siguria e liderëve perëndimorë është mbi dëshirën për protestë.

Kreu i Policisë, nënvizoi se më 6 dhjetor, ditën e samitit BE-Ballkani Perëndimor lëvizja do të devijohet në rrugë alternative, ndërkohë që nuk do të ketë asnjë prirtje për të ndaluar protestën e opozitës.

Ai vuri theksin tek zona e kuqe, pra perimeri i sigurisë nuk do të lejohen qytetetarët.

“Nisur nga përvoja e aktiviteteve të mëparshme, kemi fituar përvojën dhe besojmë se do tregojë përkushtim e profesionalizëm. Duam të sigurojmë qytetarët se data 6 dhjetor është ditë normale mësimi dhe jetës së përditshme. Rrugët e bllokuara, lëvizja është devijuar në rrugë dytësore. Policia nuk ka pasur e nuk do të ketë asnjë prirje për të ndaluar apo spostuar asnjë protestë, por siguria e delegacioneve që do të marrin pjesë në Samit, na imponon të vëmë sigurinë kombëtare e ndërkombëtare mbi dëshirën gjeografike për të protestuar.

Nuk e ndalojmë protestën por garantojmë mbajtjen e saj jashtë perimetrit të sigurisë.Kemi besimin e arsyeja do mbizotërojë mbi emocionet por jemi të përgatitur për çdo rast kur do të ndodhë e kundërta”, tha ai.

“Policia e Shtetit nuk e ndalon absolutisht protestën e lajmëruar, por garanton mbarëvajtjen e saj jashtë perimetrit të sigurisë, pasi Perimetri i Sigurisë është i pacënueshëm dhe i aksesueshëm vetëm nga pjesëmarrësit në Samit dhe nga gazetarët e akredituar”, shtoi ai.

LEXONI GJITHASHTU:

• “S’jemi kundër protestave”, Çuçi: Ka zonë të kuqe, do marrim masa që të zhvillohet
• Meta takim me gjimnazistët: 58 mijë nxënës më pak, po përballemi me shpopullim
• Sekuestrohet 65 kg marijuanë në Malin e Zi që ishte nisur nga Shqipëria