Dialogu Kosovë-Serbi vazhdon në nivel teknik të hënën pa çështjen e asosacionit të komunave serbe

Dialogu Kosovë-Serbi do të vazhdojë në nivel teknik më 28 shtator ku çështja e asosacionit të komunave serbe nuk do të jetë temë e diskutimit.

Këtë gjë e njoftoi të enjten i dërguari i posaçëm i BE-së për dialogutn, Miroslav Lajçak. Ky shkroi në Twitter se “një nga palët nuk është ende gati” për të diskutuar çështjen e asosacionit,  por që sidoqoftë “kjo gjë do të adresohet si pjesë e “Marrëveshjes Gjithëpërfshirëse” e dakordësuar më parë mes takimeve të udhëheqësve”.

Kosova dhe Serbia kanë përzgjedhur si përfaqësues, apo koordinatorë shtetëror Skënder Hysenin dhe Marko Gjuriçin.

Çështja e asosacionit të komunave serbe mbetet e nxehtë në Kosovë pasi opozita e ka kundërshtuar prej vitesh.

E nënshkruar fillimisht si marrëveshje në vitin 2013, ajo parashikon forcimin e kompetencave administrative dhe organizative të komunave me shumicë serbe në Kosovë.

Lexoni gjithashtu:

Takimi i radhës Kosovë-Serbi, Ernest Bunguri: Pavarësisht mospërputhjeve, prioritet i të dyja vendeve është anëtarësimi në BE

Bashkësia e komunave serbe, analisti: ‘Pazari përfundimtar’ në këmbim të njohjes së Kosovës

Përplasja për asosacionin, Donika Emini: Hoti po e mban procesin të mbyllur nga elita politike në Kosovë