Ndoka: Gjesti i Behgjet Pacollit që të paguajë gjobën për Xhakën është folklorizëm

Biznesmeni Behgjet Pacolli deklaroi se nëse Granit Xhaka dënohet sepse veshi fanellën me mbiemrin Jashari në fund të ndeshjes me Serbinë, atëherë ai vetë personalisht do të paguajë gjobën.

Në një intervistë për “Good Morning Albanians” në Euronews Albania, Kryetari i Partisë Demokristiane Nard Ndoka, theksoi se gjesti që bëri biznesmeni është folklorizëm.

Sipas tij veprimi i tij nuk është politik.

“Ky nuk është investim, por është korrupsion i sistemit. Është folklorizëm. Është një gjest jopolitik”- tha Ndoka.

Granit Xhaka veshi në fund të ndeshjes Zvicër-Serbi fanellën e shokut të tij Ardon Jashari. Sigurisht, mbiemrit Jashari në fanellë iu vesh një konotacion politik, gjë që futbollisti e mohoi.

Ai u shpreh se fanellën e veshi në respekt të shokut të tij, e sidoqoftë kjo nuk ka shmangur që Xhaka të jetë në qendër të kritikave.

LEXONI GJITHASHTU: 

• Bërnabiç: Vuçiç të shkojë në samitin në Tiranë, të përballet me hipokrizinë
• Ndoka me rezerva për shqiptarët e Zvicrës: Nuk duhet të ketë folklorizma në futboll