Ironizon Kadilli: Berisha nesër si Nuri Beu te Koncert në vitin 1936

Ish-deputeti Fatbardh Kadilli tha në “Now me Erla Mëhillin” se nëse opozita zgjedh si arbitër Bashkimin Europian duhet të pranojë edhe kur i jep “karton të kuq”.

“Nëse e parodizojmë protestën e opozitës tregojmë “erdoganizëm” apo çfarë të duash, tipare autoritarizmi, parodizomi me shëmbëlltyra të filmave të realizmit socialist, tip Nuri Beu e të tjera, mund të bëjnë për të qeshur njerëzit, por detyra e kryeministrit që i ngjan atij Fotaqit prefekt nuk është që të vazhdojë të bëjë koncert. Ne na duhet një Shqipëri që bën butaforinë e BE-së,” – u shpreh Kadilli.

Ai shtoi se ka raporte që bëjnë të qartë gjendjen e korrupsionit dhe niveleve të krimit në Shqipëri.

Nesër, më 6 dhjetor, mbahet samiti i liderëve të Bashkimit Europian dhe atyre të Ballkanit Perëndimor në Tiranë. Paralelisht do të mbahet dhe protesta e opozitës e cila është planifikuar të zhvillohet në një perimetër sigurie, pra konkretisht te bulevardi “Dëshmorët e Kombit”.

LEXONI GJITHASHTU:

• Ata që mikpresin samitin po merren me protestën tonë, thotë Berisha
• Basha dhe Alibeaj peng të Ramës? Flet Fatbardh Kadilli