Emigrantët shqiptarë çështje diskutimi në parlamentin britanik

Andi Hoxhaj, pedagog i drejtësisë në Universitetin College në Londër,  foli rreth seancës plenare të Kuvendit britanik, ku emigrantët shqiptarë u kthyen në temë diskutimi mes deputetëve.

Në një intervistë për Euronews Albania, ai tha se retorika mes palëve në Kuvend ishte shumë e fortë ndërsa shtoi se janë disa probleme shumë serioze si në Shqipëri por dhe në Britani të Madhe, të cilat duhet të zgjidhen nëpërmjet dialogut.

“Ishte një seancë pak e tensionuar dhe ishte goxha falsalitet ngatë gjitha palët, por ideja ishte të bëjmë një debat konstruktiv. Retorika nga të gjitha palët ishte shumë e fortë. Janë disa probleme që janë shumë serioze që në Shqipëri dhe në Britaninë e Madhe dhe nëpërmjet një dialogu ne mund t’i zgjidhim.

E vërteta është që në Shqipëri gati 2 mijë shqiptarë emigrojnë çdo vit. Në Shqipëri është ë vështirë që të gjesh një statistikë bindëse. Ka një shqetësim real nga ana e deputetëve britanikë. Brexit ka pasur një impakt përsa i përket agjencive ligjzbatuese”- theksoi ai.

Më tej ai theksoi se ka shumë shqiptarë që janë në burgjet e Britanisë, të cilët akuzohen për trafikim droge.

“Është pak e vështirë për ta ndarë këtë sepse ky është një perceptim. Por narrative që është ndërtuar këtu, është që duke qenë se këtu shqiptarët zënë vendin e dytë në burgje dhe shumë prej tyre janë futur për trafikim droge”- tha ai.

LEXONI GJITHASHTU: 

• Rama telefonatë me kryeministrin britanik për emigrantët
• Plan për dëbimin e emigrantëve? Rishi Sunak: Abuzime me ligjin e skllavërisë