Këshilltari i Zelensky-t: Kam qënë në Tiranë 3 muaj para luftës, dua të rikthehem

Anëtari i Këshillit të Çështjeve Rinore për presidentin ukrainas, Volodymyr Zelensky, njëherësh delegat rinor nga Ukraina në OKB, Denys Ganzha deklaroi se ka qenë në Tiranë, 3 muaj para se të fillonte lufta.

Në një intervistë për emisionin “Good Morning Albanians” në Euronews Albania, Ganzha u shpreh se i ka pëlqyer shumë vendi ynë, teksa nënvizoi se do dëshironte që të kthehej përsëri.

“Isha në Tiranë, 3 muaj para se të fillonte pushtimi. Më ka bërë shumë përshtypje, më pëlqen shumë shteti juaj. Do të doja të kthehesha pas luftës, pse jo dhe të festonim së bashku dhe dua të falenderoj të gjithë që kanë pranuar ukrainasit, nuk njoh asnjë person personalisht, ama di me siguri që populli juaj është shumë bujar dhe ka pritur ukrainasit. Uroj që së shpejti të mund të festojmë së bashku për fitoren e Ukrainës”, theksoi ai.

LEXONI GJITHASHTU

• Rrëfimi prekës i ukrainasit nga Kievi: Kemi humbur miqtë, s’kemi ujë dhe energji
• Zelensky personazh i vitit, këshilltari: S’do donim të ishte në kopertinë për luftën
• Zelensky shpallet ‘Njeriu i Vitit’ nga ‘Time’