Erisa Xhixho: Sa më shumë hetohet për inceneratorët aq më shumë fakte të reja dalin

Deputetja e Partisë së Lirisë, Erisa Xhixho tha në një intervistë për Euronews Albania se dorëzimin e dosjeve në SPAK, LSI-ja e ka nisur para zgjedhjeve të 25 prillit.

“Që në krye të herës kemi kërkuar që të hetohet më shpejt kjo dosje duke ditur sa e thellë ishte kjo mega aferë. Dhe pastaj kemi vazhduar me denoncime të tjera dhe kemi pritur shpejtësi, profesionalizëm, integritet. Në një farë mënyre ish-LSI-ja, por dhe Partia e Lirisë ka bërë një kontribut të jashtëzakonshëm në çështjen e inceneratorëve, pikërisht sepse mendojmë që është sfida më e madhe që ka SPAK, jo karshi nesh, por karshi çdo lloj qytetari,” – u shpreh Xhixho.

Ajo shtoi se institucioni duhet të kishte vepruar më shpejt dhe se ka ende zyrtarë të përfshirë që nuk janë bërë pjesë e hetimit.

Deputetja siguroi se çdo informacion që kanë pasur në disponim për “mega aferën” siç e cilëson ajo, është vënë në dorë të SPAK-ut.

LEXONI GJITHASHTU:

• Rama i prerë: 3 inceneratorët duheshin bërë, i shërbejnë komunitetit
• Ahmetaj i përfshirë te inceneratorët? Balla: Drejtësia të bëjë punën e vet