Si veprohet nëse ka balotazh? Ja çdo ndodhë me kreun e ri të SPAK-ut

Gazetari Eni Ferhati deklaroi tregoi se çfarë do të ndodhë ditën e nesërme, nëse do të ketë balotazh në zgjedhjen për kreun e ri të SPAK-ut.

Në emisionin “Now” në Euronews Albania, Ferhati u shpreh se do të duhet të kryhet sërish një votim nga anëtarët e KLP-së, për të zgjedhur drejtuesin për 3 vitet e ardhshme.

“Ne e kemi SPAK-un ende sot me një organikë të cunguar. Nga 20 prokurorë, janë vetëm 17 efektivisht, ndërkohë që ne flasim për kreun e SPAK-ut. Unë besoj që të gjitha meraqet, qoftë të përfaqësuesve diplomatikë, qoftë të kryeministrit që është përfshirë në këtë debat, do të shuhen nesër.

Nesoj që rreth orës 11:00, sepse çdo kandiat ka 30 minuta kohë për të bindur anëtarët e KLP-së dhe të shpalosë platformën, besoj se rreth orës 12:30 ose 13:00 do njohim kreun e ri të SPAK-ut, në rast se nuk do të shkojmë në balotazh. Mund të jemi para faktit që mund të kemi vota të barabarta dhe duhet të  kryhet një rivotim për të zgjedhur emrin që do drejtojë SPAK-un për 3 vite”, theksoi ai.

Për kreun e SPAK-ut, garojnë prokurorët, Adnan Xholi, Altin Dumani dhe Edvin Kondili.

LEXONI GJITHASHTU

• Gazetari zbulon emrat: Kë preferon Yuri Kim dhe Edi Rama për kreun e SPAK-ut
• Ish-kreu i Prokurorisë: Ka ndërhyrje në KLP për shefin e SPAK
• Deklarata e fortë e Murrizit: Non grata e radhës mund të jetë një anëtar i SPAK