Pse kryebashkiakët e Vlorës shpallen “non grata” nga PS? Përgjigjet Denaj

Deputetja e Partisë Socialiste, Anila Denaj tha në “RinOn” në Euronews Albania se nuk di që ndonjë nga kryebashkiakët e Vlorës të jetë shpallur non grata nga PS-ja.

“Non grata kemi vetëm një përkufizim dhe nuk i afrohemi fare atij përkufizimi,” – u shpreh Denaj.

Sipas deputetes kjo ishte diçka që s’kishte lidhje me Vlorën dhe mund të ndodhte kudo, ndërkohë gazetarja Bruna Çifligu i kujtoi dhe Shpëthim Gjikën dhe Dritanin Lelin.

“Ato janë marrëdhënie që lidhen me angazhimin që mund të ketë çdo kryebashkiak që përfaqëson një parti, një forcë politike, në rastin konkret mazhorancën me objektivin për të qenë në krye të të gjithë objektivave si të mazhorancës dhe të pushtetit lokal,” – u shpreh Denaj.

LEXONI GJITHASHTU:

• Nga çfarë vuan Vlora sot? Denaj flet për problematikat e qytetit 
• Dy aksidente brenda pak minutash në Vlorë, 4 të plagosur