Homazhet për Pelenë, trupi i legjendës braziliane vendoset në stadiumin e Santosit

Brazili do të mbajë funeralin e të madhit të futbollit Pele, në stadiumin ku ai luajti disa nga ndeshjet më të mira të karrierës së tij.

Santos, klubi ku Pele luajti, tha në një deklaratë se publiku do të jetë në gjendje të bëjë nderimet e fundit në stadiumin Vila Belmiro, jashtë Sao Paulos, shkruan Independent.

Arkivoli i tij do të transportohet nëpër rrugët e Santos dhe do të kalojë para shtëpisë së nënës së tij 100-vjeçare, Celeste.

Nderimet për të do të zhvillohen nga e hëna ora 10:00 dhe do të vazhdojnë për 24 orët e ardhshme.

Ai do të varroset në Memorial Necropole Ecumenica, një varrezë vertikale në Santos, vetëm në prani të familjes të martën.

LEXONI GJITHASHTU

• Tottenham dështon në nisje, Lens dhuron spektakël ndaj PSG-së
• Xavi me dorë të ‘hekurt’, asnjë ditë pushim për Vitin e Ri për lojtarët e Barcelonës
• Shënimi i Peles bën që Santos të mos tërheqë nga fanella numrin 10