Kurti dënon ashpër sulmin ndaj dy qytetarëve në Shtërpcë

Kryeministri i Republikës së Kosovës, Albin Kurti ka thënë se e dënon sulmin ndaj dy qytetarëve që ndodhi pasditen e së premtes në Shtërpcë.

“E dënoj ashpër sulmin ndaj dy qytetarëve të Kosovës në Shtërpcë. Thellësisht i brengosur për plagosjen e tyre. Sipas informatave, të rinjtë 11 dhe 21 vjeçar janë jashtë rrezikut për jetë dhe ju dëshiroj shërim të shpejtë. Policia e Kosovës ka arrestuar të dyshuarin i cili pa asnjë mëdyshje duhet dhe do të përballet me organet e drejtësisë”, ka shkruar Kurti në Facebook.

Dy persona janë plagosur me armë zjarri në fshatin Drajkovc të Shtërpcës pasditen e së premtes, komunë kjo e banuar me shumicë serbe.

Policia arrestoi autorin e ngjarjes, që është një shtetas shqiptar.

LEXONI GJITHASHTU:

• Plagosen me armë zjarri 2 persona në Shtërpcë, banorët serbë bllokojnë rrugën
• Kurti për tensionet në veri: Ka rrezik, nuk kam frikë, por jam i brengosur