“Agron Çela shoqërues i Spiropalit”, nën kryetari i PL ‘shigjeton’ deputetin

Nënkryetari i Partisë së Lirisë Endrit Braimllari tha se deputeti Agron Çela i cili u largua pak ditë më parë nga PL është shoqërues i ministres Elisa Spiropali.

Në një intervistë për Euronews Albania, Braimllari theksoi ndër të tjera se fokusi i opozitës është në zgjedhjet vendore të 14 majit.

Sipas tij këtë ditë do ta kthejnë në ditë të demokracisë në vend.

“Opozita po përgatitet për fitoren në bashkitë e vendit. Ne jemi vendosur qartazi përballë një keqqeverisje, përballë një regjimi. Nuk dua të komentoj asnjë shoqërues të Spiropalit apo personazheve të tjerë. E rëndësishme është fokusimi i energjive opozitare për të demontuar këtë pushtet që ka kapur gjithçka dhe për ta kthyer 14 majin në një fitore dhe ditë të demokracisë në vend’- tha ai.

LEXONI GJITHASHTU: 

• Sulm me thikë në ‘zemër’ të Parisit, agresori plagos 6 persona
• Tre skenarët që mund të sjellin fundin e mënjëhershëm të luftës në Ukrainë
• Tritan Shehu: Kam firmosur që Ervin Salianji të jetë kreu i grupit të PD-së