Nënkryetari i Bashkisë Lezhë: Qyteti ka nevojë të drejtohet nga PS për 5 mandate

Nënkryetari i Bashkisë së Lezhës, Ermal Pacaj thotë se qyteti ka nevojë që të drejtohet nga Partia Socialiste për 5 mandate.

Në emisionin “RiNon” në Euronews Albania, Pacaj u shpreh se mandatet i fitojnë njerëzit që punojnë.

“Unë nuk thashë që ne nuk duam 4-vjeçatin tjetër. 4-vjeçarin duhet ta marrin ata që punojnë. Por normalisht, pyetja sa i kënaqur me punët që keni bërë deri më tani, unë kisha si qëllim ato që kemi vënë si synim për t’i arritur. Lezha ka nevojë për 5 mandate për të bërë 500 mijë punë.

Por me atë që ne kemi premtuar në fushatën e 2019, me atë çfarë ne kemi arritur në fushatën e 2019, patjetër që jemi 12, jam shumë modest kur e them”, theksoi ai.