Berisha: Fusha e mbetjeve në Sharrë u shndërrua në minierë floriri për Ramën

Kryetari i Partisë Demokratike, Sali Berisha ka akuzuar kryeministrin Edi Rama, në lidhje lidhje me inceneratorin e Tiranës.

Në një deklaratë për mediat nga selia blu, Berisha u shpreh se Rama është kreu i një organizate kriminale dhe shtoi se fusha e plehrave në Sharrë, është shndërruar në  minierën e floririt për të dhe kryebashkiakun e Tiranës, Erion Veliaj.

Sipas tij, Rama ka negociuar dhe firmosur një kontretë në kundërshtim flagrant me ligjet e vendit dhe me praktikat e prokurimeve.

“Një hetim i hollësishëm, serioz, i dokumentuar, i publikuar dje nga Partia e Lirisë, dëshmon në mënyrë përfundimtare denoncimin që kemi bërë me dhjetëra herë dy vitet e fundit, se Edi Rama është kreu i organizatës kriminale dhe se në rastin konkret, fusha e plehrave në Sharrë është shndërruar në minierën e floririt për Edi Ramën dhe Erion Veliajn.

Dje u faktua se Edi Rama, për sipërmarrjen e tij, me të cilën pret çdo ditë euro, ka mashtruar publikisht dhe nën betim. Që Edi Rama është kreu i organizatës kriminale të djegësve që po përvetësojnë qindra milionë euro, kjo faktohet në mënyrën më të pakundërshtueshme me firmën e tij për kontratën e djegësave, kontratë që është negociuar dhe firmosur në kundërshtim flagrant me ligjet e vendit, me praktikat e prokurimeve”, theksoi kryedemokrati.

LEXONI GJITHASHTU

• Shtyhet seanca për inceneratorin e Fierit, Koka kërkon bashkim e dosjes me Elbasanin
• A do rritet çmimi i naftës? Gazetari: Ç’pritet të ndodhë me Bordin e Transparencës
• Shehi: Të bllokojmë kontratat, çfarë është kjo urgjencë që kemi për koncesionet?