Në Gjykatën e Posaçme është duke u zhvilluar seanca paraprake per inceneratorin e Elbasanit, ndërsa seanca për inceneratorin e Fierit është shtyrë për datën 1 shkurt për shkak të mos njoftimit të gjithë të pandehurve.

Gjatë seancës paraprake nëpërmjet avokatit të tij mbrojtës, ish-ministri i Mjedisit, Lefter Koka ka kërkuar që të bashkohen dosjet e çështjeve me inceneratorët e Fierit dhe Elbasanit.

Kërkesa është bërë pasi ish-ministri është marrë i pandehur edhe për inceneratorin Fierit.

Lefter Koka është me dy masa sigurie “arrest në burg” për dy inceneratorë, atë të Elbasanit dhe të Fierit

SPAK e akuzon Lefter Kokën për shpërdorim të detyrës, pastrim të parave dhe korrupsion, tre akuza të rënda me të cilat ish-ministri tashmë do nisë betejën e tij me drejtësinë, teksa janë sekuestruar edhe kompanitë “Albtek Energy”, pra inceneratori i Elbasanit, “Integrated Technology Services” si edhe aksionet e Kokës në “Kantinën e Pijeve Gjergj Kastrioti Skenderbeu”.

Nga ana tjetër, janë shpallur në kërkim edhe Stela Gugalli, e cila në sistemin TIMS rezulton se është jashtë shtetit si dhe Klodian Zoto. Lefter Koka akuzohet se ka përfituar 3.7 mln euro nga Inceneratori i Elbasanit.

Hetimet për inceneratorin e Elbasanit janë të parat që përfundojnë nga SPAK, teksa në proces përfundimtar është edhe ai i Fierit.

LEXONI GJITHASHTU: 

• A do rritet çmimi i naftës? Gazetari: Ç’pritet të ndodhë me Bordin e Transparencës
• Shehi: Të bllokojmë kontratat, çfarë është kjo urgjencë që kemi për koncesionet?
• Rrëzimi i avionit në Kiev, Xhaçka: Zemrat dhe lutjet tona janë me Ukrainën