Shehi: Të bllokojmë kontratat, çfarë është kjo urgjencë që kemi për koncesionet?

Deputeti Dashamir Shehi nuk ka kursyer kritikat drejt qeverisë për kontratat koncesionare.

Nga Komisioni i Ekonomisë, Shehi tha se nuk e kupton urgjencën për koncensionet ndërsa jemi një vend i varfër.

Ai u tregua kritik dhe ndaj qeverive të mëparshme duke thënë se koncesionet shkelen dhe janë shkelur dhe nga qeveria e mëparshme, ndërsa theksoi se kontratat duhet të bllokohen.

“Po ju them disa komisione, Rapiskani, që s’kishte as Rapi as Skani. U shit për 500 mijë lekë. Është turp i madh për qeverinë. Ato kamionët që kalojnë me drogë, nga Rapiskani kalojnë. Kjo se zhvesh nga përgjegjësia këtë qeveri dhe atë qeveri që ka qenë 1 vit më parë në 2013. Nëse kishte vagabondë në atë qeveri më parë, që besoj se ka pasur, ju duhet ta kishit rregulluar këtë gjë. Kjo linjë është koncensionarëve ka qenë dhe më parë, por është amplifikuar.

Çdo kontratë koncensionare, megjithëse kemi bërë një ligj, mund të bëjmë dhe propozimet e zonjës Tabaku, duhet të jetë përgjegjësi kolektive. Edhe me dash të hetojmë ne nesër, s’ka ça bëjmë më. Duhet të të futemi në burg, se ne e kemi bërë ligj.

Kontratat janë politike. Ata që ndajnë paret vjedhin me ligj. Për hir të Europës pas nja 1 viti mund të bëhet diçka. Kryeministri duhet të mbajë përgjegjësi, s’mban përgjegjësi parlamenti për këtë punë. Jam për ligjin e zonjës Tabaku që ta shohim me kujdes. Nuk kemi ndonjë urgjencë ne. Duhet të ndryshojë pak raporti se nuk kemi mundësinë e Danimarkës e Suedisë. Jemi vend fukarenjsh. Ne japim shërbimet me koncesion. Shërbimet që na bënin 10 lekë, për efekt të koncesionit.

Ça është kjo urgjencë që kemi për koncesionet. Rrugët, sikur mermer të kishim shtruar s’do bënin kaq. Kur është diskutuar Rruga e Arbrit me kompaninë kineze, thamë; sa shtrenjtë. Iu turrëm dhe Koços. Rruga është atje, koncensionare dhe s’ka mbaruar akoma. Shifrat e koncesioneve, të shpërndara ndër vite, të ripara projektet, i kanë prurë këtu. Ka një tufë që kërkojnë koncesione të tjera dhe ne do jemi këtu vitin tjetër që të numërojmë paret.

Koncesionet do vazhdojnë të jepen se ka një tufë që kërkojnë dhe ne do jemi këtu vitin tjetër, do numërojmë paret. Koncesionet shkelen dhe janë shkelur dhe nga qeveria e mëparshme. Ndaj them; e bllokojmë sot dhe e bëjmë si gjithë Europa”, tha Shehi.

LEXONI GJITHASHTU: 

• Rrëzimi i avionit në Kiev, Xhaçka: Zemrat dhe lutjet tona janë me Ukrainën
• Hapet laboratori në QSUT, Manastirliu: Analizat për tumoret me standarde evropiane
• Mandati i Olta Xhaçkës, PD kërkesë Kushtetueses: Çështja duhet të vijë në gjykatë