A do rritet çmimi i naftës? Gazetari: Ç’pritet të ndodhë me Bordin e Transparencës

Gazetari i Euronews Albania, Neritan Gjergo thotë se aktualisht, ka një qëndrueshmëri sa i takon çmimit të naftës në tregjet e huaja.

Gjergo u shpreh se kjo është reflektuar edhe në tregun vendas dhe çmimet janë drejt stabilizimit.

Sipas tij, nëse kjo vazhdon, këtë vit mund të ndalojë së funksionuari Bordi i Transparencës.

“Duket që ka një qëndrueshmëri të çmimeve të lëndëve djegëse sepse tregjet duken më të stabilizuara pas fundit të tetorit dhe pas fillimit të nëntorit. Nëse do shohim tregtinë e jashtme, do të shohim mënyrën sesi janë rregulluar tregjet pas presionit që solli lufta Rusi-Ukrainë, shohim që ka një rregullim të strukturës së tregjeve dhe për pasojë edhe çmimet janë stabilizuar. Duke parë këtë ecuri, mendohet që viti 2023 të jetë më i qëndrueshëm dhe për këtë arsye ka edhe po themi, fjali apo citime se Bordi i Karburanteve mund të shkrihet”, theksoi ai ndër të tjera.

LEXONI GJITHASHTU

• 62 mijë litra naftë kontrabandë, lihet në burg gjithë ekuipazhi i anijes libaneze
• Naftë kontrabandë nga Libia në Portin e Durrësit, publikohen emrat e të arrestuarve
• Sekuestrohet anija me 50 mijë litra naftë kontrabandë në Durrës