Bordi i Transparencës në Kushtetuese, Logu: Ka dështuar, çmimet janë rritur

Që prej orës 10:00, në Gjykatën Kushtetuese po zhvillohet seanca për shfuqizimin e Bordit të Transparencës të ngritur nga qeveria për çmimet e hidrokarbureve dhe produkteve ushqimore.

Përfaqësuesi ligjor i Partisë Demokratike, Marash Logu ka deklaruar në seancë se nëse qëllimi i bordit ka qenë mbrojtja e konsumatorëve, ky qëllim ka dështuar sepse çmimet janë rritur.

Sipas tij, qeveria nuk ka bërë një analizë para se të krijonte Bordin e Transparencës.

“Në vleresimin tonë do të duhej që qeveria, para se të miratonte aktin normativ, të bënte nje analizë për kushtet, nevojat dhe urgjencat. Nuk rezulton të jetë bërë një analizë. Subjektet ekonomike kanë të drejtë dhe janë përgjegjëse për të vendosur çmimet dhe më pas është vetë tregu që vetërregullohet.

Në këtë rast kemi të bëjmë me një kufizim të lirisë së tregut, që vendos vetë çmimet. Nëse qëllimi i bordit ishte mbrojtja, qartazi ky qëllim ka dështuar sepse çmimet janë rritur”, theksoi ai.

LEXONI GJITHASHTU

• A do rritet çmimi i naftës? Gazetari: Ç’pritet të ndodhë me Bordin e Transparencës
• Konfindustria: Të shkrihet bordi për karburantet, nuk ndërhyn për uljen e çmimit
• Ekspertja: Ku nuk bie dakord me anët pozitive të Bordit të Transparencës