Konfindustria: Të shkrihet bordi për karburantet, nuk ndërhyn për uljen e çmimit

Konfindustria ka rishprehur shqetësimin e saj, në lidhje me mos ndërhyrjen e Bordit të Transparencës në fillim të vitit  2023, për uljen e çmimit të karburanteve në tregun vendas.

Sipas Konfindustrias, bazuar në të dhënat nga bursat ndërkombëtare cmimi i naftës ka rënë me shpejtësi, duke u përafruar ndjeshëm kuotave më të ulta të vitit 2022 dhe Mbështetur në vlerësimet krahësuese me bazë vjetore, cmimi i shitjes me pakicë të produktit “naftë/diesel” në tregun shqiptar duhet të ishte më i ulët se 183 lekë/litër.

Konfindustria deklaroi se Bordi i Trasparencës në vazhdimësi vonon në mënyrë të tejskashme kohore dhe qartësisht të qëllimtë vendimarrjen në rastin e uljes së cmimit të karburanteve në tregjet ndërkombëare, teksa kërkon shkrirjen e saj dhe themelimin e Entit të Karburanteve, që duhet të jetë në varësi të Kuvendit të Shqipërisë dhe i përbërë nga profesionistë.

Ndër të tjera, Konfindustria shprehet se Bordi i Trasparencës është në varësi të ekzekutivit dhe i përbërë, në konflikt të plotë interesi, në gjysmën e tij nga përfaqësues të vetë subjekteve tregëtare, që duhet të hetohen për spekullime të mundshme në treg.

LEXONI GJITHASHTU

• Zjarr në një fabrikë nafte në Rusi, dy të vrarë
• Rritet çmimi i naftës, benzinës dhe gazit
• Luhatjet në tregje| Nafta ulet, ushqimet jo