I frymëzuar nga karantina dhe emigrantët, “Sheets” merr 2 çmime në Trieste

Filmi shqiptar “Sheets” është vlerësuar dy herë në festivalin e filmit në Trieste. Produksioni me metrazh të shkurtër nga Evi Gjoni, ka rrëmbyer zemrat e publikut në premierën e tij.

Produksioni që mban emrin e regjisores Evi Gjoni me skenar nga Genc Përmetit dhe Sven Dagones ja ka dalë të rrëmbejë një përmendje speciale dhe çmimin e publikut.

SUBJEKTI I FILMIT

Në një fshat, një familje jeton e izoluar për shkak të një fatkeqësie që ka ndërprerë jetën normale. Njësia kundër terrorizmit ka marrë kontrollin: kushdo që nuk u bindet rregullave të tyre drastike përballet me pasoja të rënda, kushdo që ndihmon refugjatët ose të huajt bëhet pjesë e një grupi terrorist.

Sheets trajton historinë e një familjeje gjatë një sistemi totalitar distopik. Të mbetur në dilemën e të raportuarit apo jo tek autoritetet të një familjeje emigrantësh. Dinjiteti njerëzor përballë instinktit për të mbijetuar.

“Lëvizjet e ngadalta të kamerës nxjerrin në pah elementet e një shoqërie apatike dhe pa jetë. Zhurma e makinave qeveritare dhe zhurma e sirenave përcjellin një ndjenjë vdekjeje që i referohet filmit The Seventh Seal. Edhe zëri në telefon që komunikon me familjen të kujton atë të personazhit të vdekjes në kryeveprën e Bergmanit”, është shprehur regjisorja lidhur me filmin.

Film që bën bashkë aktorë si Armela Demaj, Hana Dehiri dhe Agron Bimi është një produksion i Skan-Dal me mbështetjen e qendrës kombëtare të kinematografisë.

Ndiqni intervistën e plotë:

LEXONI GJITHASHTU:

• Filmi shqiptar merr çmim në Itali
• OSCARS 2023, filmi gjerman mbi luftën thyen rekord me 8 nominime