“I përfshirë në skandalin McGonigal”, Pampuri tregon mënyrat për largimin Edi Ramës

Deputetja e PD-së Oriola Pampuri lëshoi akuza duke thënë se kryeministri Edi Rama është i përfshirë totalisht në skandalin e ish-zyrtarit të FBI, Charles McGonigal i cili është arrestuar pak ditë më parë.

Në një intervistë për Euronews Albania, ajo theksoi se me skandalet që ka bërë kreu i qeverisë duhet të jepte dorëheqjen.

Ndër të tjera Pampuri tha se e vetmja gjë që mund ta largojë Ramën nga drejtimi i qeverisë është drejtësia, gjithmonë nëse kjo e fundit vepron.

“Edi Rama është totalisht i  përfshirë në këtë skandal dhe nuk e di se cili do të jetë justifikimi i tij përballë kësaj gjëje. Nëse ne kërkojmë dorëheqjen e Edi Ramës, ne duhet t’i mëshojmë faktit që të bëhet drejtësi për Edi Ramën. Edi Rama nuk kupton dhe nuk e njeh institucionin e dorëheqjes.

Me skandalet që ka bërë duhet ta merrte një hap të tillë. E vetmja gjë që do e largonte Ramën nga posti i kryeministrit është drejtësia. Faktet dhe provat janë në dosjen e SHBA-së, por nëse drejtësia e Shqipërisë do të jetë e vërtetë dhe e paanshme, duke u bazuar dhe në provat në SHBA dhe do të shkonte atje ku është e drejta.  Në 30 vite janë bërë aq shumë gjëra dhe nuk është ndëshkuar askush. Në momentin që askush nuk ndëshkohet, unë shikojë një drejtësi e cila është e pavërtetë dhe anshme”- tha ajo.

Ndiqni intervistën e plotë duke klikuar këtu:

LEXONI GJITHASHTU: 

• Lindi foshnjën 4 ditë më parë, ndërron jetë 29-vjeçarja në Tiranë
• Nis veprimtarinë Prokuroria e vetme e Apelit, kush do të jetë drejtuesi