“Paska qenë burrë i pabesë”- Zbardhen përgjimet e mjekëve: Të varemi në litar

Euronews Albania ka mundur të sigurojë dosjen hetimore të mjekut Nazmi Metaliu dhe teknikut të imazherisë Astrit Masnaku, të cilët janë prangosur për shkak se merrnin para për të ofruar bërjen e skanerit për pacientët.

Nga përgjimet ambientale të kryera në ambientet e policisë së Tiranës, dy mjekët bisedojnë në momentin që janë vetëm pasi janë shoqëruar.

Imazheri Astrit Masnaku akuzon mjekun Metaliu për rënien në prangat e policisë, pasi ishte ky i fundit i cili bëri pazaraet me pacientin për t’i marrë 6 mijë lekë të reja për kryerjen e skanerit.

Pjesë nga dosja:

Në procesverbalin e transëkriptit të bisedës ambientale të zhvilluar në Drejtorinë Vendore Të Policisë Tiranë më datë 02.02.2023 ora 12:45 mes shtetasve Nazmi Metaliu dhe Astrit Masnakut rezulton:

Astriti-Nazmiut: A e di çfarë ke bërë ti?

Nazmiu: Kam pushkatuar veten, të kam pushkatuar dhe ty.

Astriti: Ne sikur t’ia bëjmë vetes është tjetër histori, por t’ia bëjmë shokut….

Nazmiu: Pse dua unë me ia bo vetes. Erdhi ai p***i nan*s që e pata bërë para dy javësh dhe sa e bën tha, e i thashë…Paska qenë njeri i pabesë or burrë.

Astriti: Kjo është shoqëria mor burrë, kjo është me vra veten, me u var në litar, nuk ke çi bën o Naz.

Nazmiu: Më thoshte hajde me mua, me vra veten.

Astriti: As të flas nuk flas dot më.

Nazmiu: Se mos ketë ndonjë djall këtë, mos fol, m*ti i samës erdhi tek unë dhe më tha hajde merr një kafe, po lëre i thashë unë, po çfarë plehre paska qenë.

Astriti: Po lere atë punë kanë ato, sikur ne kemi punën tonë dhe ata kanë të veten. Ai është në rregull me veten, ai për atë punë ka dalë, s’ke pse e shan faji është i joni.

LEXONI GJITHASHTU

• Arrestohen dy mjekë në QSUT, merrnin ryshfet për kryerjen e skanerit
• “Ne marrim 125 mijë, por për ty 70 mijë”- Zbardhet dosja e mjekëve të QSUT-së
• Merrnin ryshfet për kryerjen e skanerit, prokuroria kërkon burg për dy mjekët