Nuk u lejua të hynte në Kuvend, Boçi: Nuk ka masë për ndalimin fizik

Deputeti i Partisë Demokratike Luçiano Boçi, nuk u lejua të merrte pjesë këtë të hënë në seancën plenare të parlamentit për shkak të përjashtimit 10 ditor.

Në një prononcim për media, Boçi tha se ndalimi i tyre për të hyrë në seancë është antiligjor, pasi masa e dhënë është masë disiplinore dhe jo masë e ndalimit fizik.

Ai shtoi se deputetët mund të futen në Kuvend, por nuk mund të marrin fjalën, apo të komentojnë projektligjet që do të miratohen.

“Vendimi ndaj nesh është masë disiplinore dhe jo masë ndaluese. Deputeti nuk merr pagën e tijpër 10 ditë dhe nuk i kondidertohet aktiviteti parlamentar. Sipas logjikës së këtyre i be që ne të mos takojmë dhe njerëzit 10 ditë. Masa është disiplinore, çka do të thotë se unë nuk mund të marrë fjalën apo të jap mendime për projektligje të ndryshme. Nuk ka masë ndalimi fizik për deputetët, të cilët mund të ulen në Kuvend dhe të ndjekin seancën plenare. Nëse thyhet sërish rregullorja ka masë tjetër disiplinore”, tha Boçi.

LEXONI GJITHASHTU

• “Më ka marrë malli për Nikollën”- Boçi përplaset me gardën, kërkon të hyjë në Kuvend
• ‘E kanë skenar’ | Deputetët e PD-së revoltohen pasi nuk lejohen të hyjnë në Kuvend
• “Hiqe dorën”- Tensione në Parlament, deputetët e përjashtuar përplasen me Gardën