“Mirë unë që u dogja, por…”- Koka largohet nga gjyqi pas problemeve shëndetësore

Në Gjykatën e Posaçme Kundër Krimit dhe korrupsionit është zhvilluar këtë të mërkurë gjyqi ndaj ish-ministrit të Mjedisit Lefter Koka. Burime për Euronews Albania kanë zbuluar dhe disa nga deklarimet e ish-ministrit përballë togave të zeza.

Koka ka hedhur dyshime për proces të parregullt gjyqësor ndaj tij, dhe ka kërkuar nga gjykata të mos dënojë njerëz të pafajshëm.

Pas deklarimeve, ish-ministri është larguar nga salla për shkak të problemeve shëndetësor.

“Si mundet një prokurori të marrë për bazë kallzimin e një të çmendure si Monika Kryemadhi dhe t’i mjaftojë për të arrestuar qytetarë te pafajshëm. Une i kam sherbyer këtij vendi me besnikeri dhe në përputhje me ligjin. Mire une qe u dogja dhe do denohem po gjykata duhet te qendroje me dinjitet dhe mos te arrestoje njerez te pafajshem”, tha Koka.

LEXONI GJITHASHTU:

• Inceneratorët, Koka flet në gjyq: Si merrni për bazë një të çmendur si Kryemadhi
• Dështon për të dytën herë seanca paraprake për inceneratorin e Elbasanit
• Informacion nga SPAK për fazën e hetimeve për inceneratorët? Përgjigjet Kryemadhi