“Rivali kryesor i Martinajt”, gazetarja: Ç’do zbulohet nëse ekstradohet Leonard Duka

Gazetarja Keti Banushi deklaroi se nëse Leonard Duka do të ekstradohej nga Belgjika në Shqipëri, mund të zbulohet diçka e re në lidhje me çështjen e Ervis Martinajt, pasi të dy ishin rivalë me njëri-tjetrin.

Në emisionin “Review” në Euronews Albania, Banushi u shpreh se Leonard Duka kishte paguar dy persona në shumën 30 mijë euro, që t’i siguronin informacione për vendndodhjen e Ervis Martinajt.

“Për mua, nëse do të vijë në Shqipëri, gjithsesi do të sjellë diçka të re për çështjen e Ervis Martinajn. Besoj se këta kanë qenë armiq të përbetuar me njëri-tjetrin dhe i gjithë seriali i vrasjeve lidhet me Dukët dhe aq më shumë me personin që është kapur, Leonard Dukën. Gjykata e Tiranës ka dhënë 1 vit më parë një vendim për dy persona, një ish-punonjës i policisë së Durrësit dhe një person tjetër, të cilët merrnin informacione për Ervis Martinajn.

Në një rast ishin paguar 30 mijë euro nga Leonard Duka për të marrë informacione se ku ndodhej Ervis Martinaj dhe ata ia kishin dhënë. Dy herë, Leonard Duka ishte njoftuar për vendndodhjen e Ervis Martinajt, pasi ky personi tjetër kishte një agjensi turistike dhe shihte prenotimet që bëheshin në emër të tij. Një herë e kishte informuar që ndodhej në Kosovë dhe një herë në Turqi”, theksoi ajo.

LEXONI GJITHASHTU

• U kap nga inteligjenca franceze, aplikacioni që zbuloi ku fshihej Leonard Duka
• Lita: SPAK do ta nxjerrë nga strofulla Vis Martinajn! Me heqjen e pasurisë familja…
• Paralajmërimi i avokatit: Dosja për Ervis Martinajn do të sfumohet