“S’është fëmija im”- Lot e ulërima në varrimin e viktimës së aksidentit në Greqi

Është shoqëruar për në banesën e fundit viktima e parë nga aksidentit fatal të dy trenave në Greqi.

Ajo është 34-vjeçarja Athena Katsara, nëna e një fëmije të vogël, e cila ndodhej së bashku me bashkëshortin në tren. Ajo u identifikua mbrëmjen e djeshme dhe u përcoll sot për në banesën e fundit në vendlindje në prani të të afërmve dhe miqve të shkatërruar.

Trupi i saj mbërriti herët pasdite në Kishën e Shenjtë të Agia Anna-s në një arkivol të bardhë të mbyllur.

Mediat greke kanë publikuar dhe “lamtumirën” e fundit të 34-vjeçares, ku nëna e pikëlluar dëgjohet duke bërtitur dhe duke tentuar të parë të cijën në arkivolin e mbyllur.

“Nuk mund të jetë fëmija im, është e padrejtë”, dëgjohet të thotë nëna e pikëlluar.

Aksidenti hekurudhor ndodhi në hyrje të luginës së Tempes, ku treni i pasagjerëve që udhëtonte midis Athinës dhe Selanikut me 350 persona në bord u përplas me një tren mallrash.

Të mbijetuarit kanë treguar se vagonët u përfshinë me shpejtësi nga flakët, njerëzit digjeshin të gjallë, ndërsa ishte shumë e vështirë të nxirrje personat nga mjeti i shkatërruar.

Nga informacionet e dhëna nga autoritetet greke, numri i viktimave është të paktën, 57, por mund të rritet ende për shkak të personave të zhdukur të cilët nuk janë gjetur ende.

Greqia ka shpallur 3 ditë zie kombëtare në nder të viktimave.

LEXONI GJITHASHTU:

• Shpresat e familjes shuhen, ja studentja shqiptare e zhdukur në aksidentin në Greqi
• “Një tmerr i vërtetë”- Flet xhaxhai i të plagosurës në Greqi: Me fat që është gjallë
• Flakët “pushtojnë” qiellin, momenti kur përplasen dy trenat në Greqi