Këpuca me gjak ende në vagon, pamje nga vendi ku ishte ulur studentja shqiptare

Ministrja e Jashtme së Shqipërisë konfirmoi zyrtarisht këtë të shtunë, vdekjen e 4 personave me origjinë shqiptare, të cilët ndodheshin në trenin e pasagjerëve që u përfshi në aksidentin tragjik në Larisa.

Mes personave që kanë ndërruar jetë ishte edhe studentja me origjinë shqiptare Ifigjeni Micka. Avokati i familjes së studentes ka publikuar dhe foton e vendit ku ajo ka qenë e ulur.

Nga pamjet shihet dhe këpuca e te resë, si dhe njolla të shumta gjaku në sedilje.

‘Vagoni i 3-të, vendi 67, vendi i 23 ku ishte ulur Ifgjeni Micka’- shkruan avokati.

Aksidenti hekurudhor ka ndodhur në hyrje të luginës së Tempes, ku treni i pasagjerëve që udhëtonte midis Athinës dhe Selanikut me 350 persona në bord u përplas me një tren mallrash.

Të mbijetuarit kanë treguar se vagonët u përfshinë me shpejtësi nga flakët, njerëzit digjeshin të gjallë, ndërsa ishte shumë e vështirë të nxirrje personat nga mjeti i shkatërruar.

Nga informacionet e dhëna nga autoritetet greke, numri i viktimave është të paktën, 57, por mund të rritet ende për shkak të personave të zhdukur të cilët nuk janë gjetur ende.

Greqia ka shpallur 3 ditë zie kombëtare në nder të viktimave.

LEXONI GJITHASHTU:

• Konfirmohet vdekja e studentes me origjinë shqiptare nga aksidenti në Greqi
• “Një tmerr i vërtetë”- Flet xhaxhai i të plagosurës në Greqi: Me fat që është gjallë
• Flakët “pushtojnë” qiellin, momenti kur përplasen dy trenat në Greqi