Mjeku: Kripa, sheqeri dhe yndyrat janë ato që na krijojnë më shumë varësi

Mjeku Alban Ylli tha në një intervistë për “Good morning Albanians” në Euronews Albania se kripa, sheqeri dhe yndyrat janë ato që na krijojnë më shumë varësi.

“Kripa, sheqeri dhe yndyrat janë tre ingredientët që përdor industria ushqimore për të na bërë ne të varur,” – tha ai ndërsa theksoi se duhet punuar më shumë me industrinë ushqimore për të ulur sasinë e përdorimit të kripës.

Sipas tij çelësi për një jetë të shëndetshme është dhe ndërgjegjësimi i njerëzve për të konsumuar sa më pak kripë.

Sipas të dhënave të grumbulluara nga ekspertët e Shëndetit Publik, shqiptarët e përdorin kripën 2-3 herë mbi normën e lejuar. Konkretisht nga 5 gramë në ditë ne priremi të konsumojmë të paktën 10 gramë por edhe më shumë sesa kaq.

LEXONI GJITHASHTU:

• Habit shefi i kuzhinës: Tregtohet si kripa e Himalajeve, në fakt vjen nga Pakistani
• Shqiptarët e përdorin kripën 2-3 herë më shumë se norma