Pse BKH ‘zbarkoi’ në banesat e Ahmetajt? Kreshnik Spahiu: Mund të gjenden prova

Analisti Kreshnik Spahiu thotë se kontrolli i banesave të ish zëvendëskryeministrit Arben Ahmetaj nga Byroja Kombëtare e Hetimit (BKH), ka ardhur pasi ky institucion i ka adresuar një kërkesë gjykatës.

Në një intervistë për Euronews Albania, Spahiu u shpreh se kontrollet nuk kanë lidhje me verifikimin e pasurive të Ahmetajt.

Sipas Spahiut, kontrollet janë kryer pasi mund të sigurohen prova me të ardhurat e të mirat materiale që Ahmetaj ka marrëdhëniet me Klodian Zoton.

“Byroja Kombëtare e Hetimit është e asistuar nga projektet amerikane, është asistuar nga specialistët amerikanë, është shumë e profilizuar. Mendoj që derisa ka shkuar në këtë veprim, i ka adresuar një kërkesë gjykatës për të ushtruar kontroll në të gjithë pasuritë e zotit Ahmetaj, gjykata ka parë të arsyeshme dhe shkaqe të motivuata për të realizuar kontrollet në banesat e pronësisë së zotit Ahmetaj, jo për të verifikuar pronat, por ka dyshime se mund të sigurojnë prova në lidhje me të ardhurat e të mirat materiale nga marrëdhëniet me Klodian Zoton. Nuk bëhet fjalë sa pasuri ka zoti Ahmetaj”, theksoi ai.

LEXONI GJITHASHTU

• “Sot PD nuk ekziston”, Kreshnik Spahiu: E paligjshme! Ka tre kryetarë
• Kreshnik Spahiu: Meta nuk do të bëjë koalicion me Berishën