Aksidenti i frikshëm në Tiranë, Gonxhe: Faji dhe i politikës në vend

Kreu i DPSHTRR, Blendi Gonxhe tha në një intervistë për Euronews Albania se askush nuk mund të përjashtojë veten nga përgjegjësia pas 5 viktimave në 24 orë prej aksidenteve rrugore.

“Prej korrikut të vitit të kaluar ne presim amendimet e Kodit Rrugor të cilat i kemi diskutuar në parlament dhe për shkak të një situate jo stabël politike, pra të një problematike që lidhet me vendimin që do të marrë opozita nuk po kalojnë dot,” – u shpreh Gonxhe.

Sipas Gonxhes, aksidenti i të enjtes mbrëma nuk është vetëm pasojë e daljes nga kontrolli, por e shpërqëndrimit ose tejkalim në masa ekstreme. Ai shtoi se duhet pritur dhe analiza e gjakut për të parë nëse bëhet fjalë për përdorim të lëndëve narkotike, ose alkoolit.

Ndërkaq, një tjetër problem që kreu i DPSHTRR solli në vëmendje është përdorimi i rripave të sigurimit, që nëse do të ishin vendosur nga dy vajzat pasagjere te “Audi”, mund të kishte shpresë për jetë.

LEXONI GJITHASHTU:

• Aksidenti tragjik, Softa: S’mund të lëvizë me Audi A8 një person që ka 1 vit patentë
• Humbën jetën në aksidentin tragjik në Tiranë, publikohen fotot e 3 të rinjve