Shkrihet krimi ekonomik, Rrumbullaku: Paaftësi në goditjen e evazionit fiskal

Të gjitha strukturat e Krimit Ekonomiko-Financiar në drejtoritë të Policisë së Shtetit janë pezulluar.

Vendimi është bërë publik sot nga Drejtori i Përgjithshëm Muhamet Rrumbullaku në takimin me shefat e drejtorive dhe ministrin e Brendshëm Blendi Çuçi.

Krerët e policisë kanë argumentuar vendimin me mungesën e rezultateve nga kjo strukturë. Sipas kreut të policisë, strukturat e krimit ekonomik nuk kanë arritur pritshmëritë në luftën kundër evazionit fiskal dhe goditjen e korrupsionit.

Ngrirja e Policisë së Krimit Ekonomik do të jetë e vlefshme deri në hyrje në fuqi të strukturës së re të forcave të rendit.

Ndërkohë ministri i Brendshëm, Bedi Çuçi ka paralajmëruar masa ndëshkimore ndaj drejtuesve vendorë të policisë. Gjatë takimit, ministri është shprehur se për çdo parcelë që do të konstatohet nga agjenci të tjera, do të ketë përgjegjësi individuale nga shefat e policisë.

Një porosi e veçantë u është dhënë krerëve të policisë për kontrolle në ambiente të mbyllura, për shkak të rritjes së fenomenit të shtëpive të barit.

LEXONI GJITHASHTU:

• Nuk luftuan evazionin fiskal, pezullohen drejtuesit e Krimit Ekonomik
• Soko: Qeveria ka qenë mbështetëse e krimit ekonomik, katet u ndërtuan me leje