Berisha: Çdo socialist i ndershëm të bashkohet me ne, më 14 maj vendosim pluralizmin

Sali Berisha i ka bërë thirrje socialistëve të ndershëm që t’i bashkohen kundër qeverisë së kryeministrit Edi Rama.

Nga Lushnja, ku prezantoi kandidatin e Primareve Eduart Sharkën., Berisha u shpreh se zgjedhjet lokale më 14 maj do të vendosin pluralizmin.

“Sot kemi në pushtet një njeri i cili prodhon nga mëngjesi në darkë vetëm keqësi dhe negativitet për shqiptarët. Sot kemi një qeveri në të cilën të drejtat e qytetarëve shkelmohen me këmbë. Sot ne kemi një qeveri e cila varfëron dhe mjeron qytetarët e saj me vjedhjet që bën, çdo orë, çdo ditë, çdo stinë, çdo muaj, dhe çdo vit.
Atëherë a duhet të vazhdojmë ne të ecim të përgjumur, a duhet të vazhdojmë ne të qëndrojmë indiferent.

Çdo socialist i ndershëm duhet të bashkohet me ne, çdo qytetar i pa parti duhet të bashkohet me ne. Ju keni konstatuar se çfarë qëndrimesh antikushtetuese, antidemokratike mban Edi Rama, për përpjekjet e tij të turpshme dhe kriminale për të mos lejuar PD-në të marrë pjesë në zgjedhje; jo, përpjekja e tij tregon frikën, tmerrin që ka nga vota juaj dhe ju më 14 maj, me të gjithë shqiptarët do ti jepni ndëshkimin që meriton”, theksoi ai.

LEXONI GJITHASHTU

• Vendimi i KAS? Ahmetaj: Tregoi që zgjedhjet do jenë sallatë ruse!
• A do jetë emri i Sali Berishës në fletën e votimit më 14 maj? Sqaron ish kreu i KQZ