Simbolika e Nevruzit| Samarxhi: Kur foshnja femër therej, Imam Aliu luftoi për jetën

Ferdinant Samarxhi, zëdhënësi i Kryegjyshatës Botërore të Bektashinjve ka zbuluar simbolikat e festës së Sulltan Nevruzit.

Në një intervistë të dhënë për emisionin “Goodmorning Albanians” në Euronews, Samarxhi, tha se kjo ditë simbolizon gjallërimin e natyrës, por kremtohet gjithashtu dhe lindja e Imam Aliut.

Sipas tij, Imam Aliu është prijësi që luftoi për jetën njerëzore dhe kundër therjes së foshnjave vajza në periudhën e obskurantizmit mesjetar.

“Sot Bektashinjtë e kremtojnë ditën e natyrës, por dhe ditën e lindjes së Imam Aliut. Imam Aliu është themeluesi i familjes së Elibetit. Kremtojnë këtë ditë për këtë njeri të madh, për këtë shenjtor dhe prijës të paqes, i cili në periudhën e mjegullnajës obskurantiste, ku foshnja femër therej ose groposej e gjallë, Imam Aliu luftoi për lirinë dhe demokracinë e jetës njerëzore, që fëmija të rritje që gruaja të kishte të drejta me burrin. Luftoi për besimin islam që më parë besohej në pemë dhe në gurë dhe që njerëzit ishin të çoroditur nga mjegullnaja e kohës. Profeti Muahmed e quan njeri të madh dhe ideologun e gjithë Rilindjes botërore”, tha Samarxhi.

LEXONI GJITHASHTU:

• Mbesa e Reshat Bardhit rrëfen mrekullitë: Babi po vdiste, e ngriti me 3 këndime
• Byreku me 12 lakra, ja pse duhet ta bëni patjetër për Sulltan Nevruz