Si do të futen në garë kandidatët e PD-së zyrtare?

Deri tani janë 17 kandidatë të prezantuar nga Enkelejd Alibeaj që do të garojnë në zgjedhjet e 14 majit.

Gazetari i Euronews Albania Ardit Hoxha tha se ende është e paqartë nëse PD zyrtare do të ketë kandidatë në të gjitha bashkitë apo do të shkohet me variantin që PD të futet vetëm me kandidatë për këshillat bashkiake dhe t’u lihet kandidimi kandidatëve të primareve. Por kjo gjë bie ndesh me parimin e Alibeajt dhe Bardhit.

“Opsioni që po diskutohet më së shumti në zyrat e PD të Alibeajt është mosparaqitja me kandidatë për zgjedhjet e 14 majit, por dalja vetëm me këshilltarë bashkiakë. Në një farë mënyre, PD së Alibeajt kështu i hiqet përgjegjësia e një humbjeje të mundshme në zgjedhjet lokale”, tha gazetari Hoxha.

LEXONI GJITHASHTU:

• Ftesa e Alibeaj për kandidatët e primareve, Ngjela: Është i sinqertë, por…
• “Basha e Alibeaj, pengje të Ramës”, Berisha: Janë në lidhje krimi me qeverinë