Gjysmëfinalet e kupës | Vllaznia përballet me Egnatian, Tirana me Teutën

Vllaznia-Egnatia dhe Tirana-Teuta janë dy gjysmëfinalet e kupës së Shqipërisë. Këto janë çiftet e prodhuara pas shortit të hedhur mesditën e së enjtes në ambientet e stadiumit ‘Air Albania’.

Të pranishëm ishin Sekretari i Përgjithshëm i FSHF-së, Ilir Shulku, shefi i Departamentit të Garave në FSHF, Marjus Sulejmani, përfaqësuesit e klubeve

Më 26 prill do të zhvillohen ndeshjet e para, ndërsa më 11 maj ato të kthimit, ku do të përcaktohet çifti finalist. Tirana e drejtuar nga Orges Shehi vjen në këtë fazë të kupës pas eleminoi Kastriotin, në dy përballje të dominuara plotësisht nga bardheblutë. Vllaznia eleminoi skuadrën tjetër kryeqytetase Partizanin, ku në ndeshjen e dytë nuk munguan polemikat.

Pas një rikthimi të mirë në kampionat edhe Teuta kërkon lavdinë në kupë, ku tashmë është vetëm dy ndeshje larg finales. Surpriza e këtij sezoni është padyshim Egnatia, një skuadër kompakte dhe me synimin kryesor mbërritjen në kupat e Evropës.

Ndërkohë Superliga Shqiptare rikthehet të shtunën dhe të dielën me 5 përballje interesante.

LEXONI GJITHASHTU

• Sa paguhen lojtarët e PSG, Mbappe përfiton më tepër, pas tij Neymar dhe Messi
• Son ‘qan’ largimin e Conte, sulmuesi fajëson veten: Duhet të kisha luajtur më mirë
• Skocia i jep leksion Spanjës, Zvicra nën drejtimin e Xhakës ‘rrëmben’ fitoren e dytë