Dubai problem për SPAK-un, qëndrojnë shumë të kërkuar me arrest me burg
Në raportin vjetor për vitin 2022 dorëzuar në kuvend, SPAK ngre shqetësimin se “kokat” e krimit po strehohen në Dubai duke mos u ekstraduar. Gjatë vitit të kaluar, SPAK përgjoi 2177 persona, më së shumti për korrupsion.
‘Parasja e premtuar’ për kriminelët, Dubai, është kthyer në një problem serioz edhe për SPAK-un. Strehimi i individëve me rekorde të theksuara kriminale ne kete shtet përmendet qe ne fillim te raportit vjetor për vitin 2022 dorëzuar në kuvend.
“ Është kthyer në problematike edhe fakti që në Emiratet e Bashkuara Arabe, përkatësisht në qytetin e Dubait, qëndrojnë një numër i lartë të kërkuarish me masa sigurimi “arrest në burg” për vepra penale në kuadër të krimit të organizuar, për të cilët nuk po jepet ekstradimi nga autoritetet e drejtësisë së Emirateve të Bashkuara Arabe ” thuhet në raportin e SPAK.
Nga ana tjetër Prokuroria e Posaçme thekson se gjatë hetimit të grupeve kriminale në vitin 2022 vihet re një rritje e sofistikimit të kryerjes së veprave penale nga ana e tyre, komunikimi midis anëtarëve të organizatës, lidhjet me organizatat ndërkombëtare kriminale dhe format e pastrimi të produkteve penale. Për këtë nënvizohet se shihet një tendencë e lëvizjes së të ardhurave kriminale të tyre jashtë juridiksionit shqiptar në kompanitë offshore apo në parajsa fiskale duke rritur ndjeshëm vështirësinë e gjurmimit dhe ndjekjes së tyre penale. Vihet re edhe përdorimi prej tyre i sistemeve informale transfertash parash si havala, hundi apo ‘fei chien’ ose dërgimin e pagesave në parajsat fiskale në vende si Qipro, San Marino apo dhe Dubai
Gjatë vitit të kaluar SPAK ka përgjuar edhe numrat e celularëve të 2177 personave në 122 procedime penale.
Shumica dërrmuese e tyre janë të dyshuar për korrupsion, pasuar nga individë të dyshuar për grup të strukturuar kriminal në trafikimin e lëndëve narkotike.
LEXONI GJITHASHTU:
Zjarr i madh në kodrat e Shtërmenit, në terren dhjetëra zjarrfikës
Evropa nën pushtetin e të nxehtit, automjetet e policisë hedhin ujë mbi qytetarët në Gjermani
Sot dita e 30-të e protestës në Tiranë, policia procedon penalisht 31 protestues
- 18:10 Bukele i El Salvadorit kërkon kandidaturë për mandatin e tretë në parti pas ndryshimeve kushtetuese
- 18:05 Momenti kur arrestohen dy të dyshuarit për masakrën me 6 të vrarë në Gjermani (VIDEO)
- 17:59 Pse Péter Magyar ngurron të bashkëpunojë me BE-në në çështjen e Ukrainës
- 17:51 A do të bëhet Vuçiç sërish kryeministër i Serbisë?
- 17:47 Korça mikpret “Vox Baroque”, muzika spanjolle dhe arti ndërkombëtar mbushin Galerinë e Arteve Dixhitale
- 17:45 U arrestuan për provokimet gjatë Vidovdanit, shtyhet më 1 korrik seanca ndaj 36 serbëve