Furrat shqiptare shesin bukë “bio”! Ekspertët: Mashtrim, nuk ka bukë të tillë

Eksperti Granit Sokolaj dhe nutricionistja Enkeleda Ferrollari deklaruan për “Good morning Albanians” në Euronews Albania se është mashtrim që furrat shqiptare shesin bukë bio.

Sipas tyre kjo nuk është e mundur sepse duhet të kalojë të gjitha hallkat e zinxhirit në mënyrë që të certifikohet si e tillë.

“Nëse është certifikuar në gjithë zinxhirin po, por furra këtu që prodhojnë bukë bio, pra të certifikuar bio, nuk ka. Nuk mund të jenë në të njëjtin kazan edhe bio, edhe jo bio, me të njëjtin ujë, me të njëjtin miell. Bukë bio i thonë të gjitha furrat, asaj pa maja i thonë bio,” – argumentoi Sokolaj.

“I thonë kot bio, bio është një koncept komplet tjetër,” – u shpreh Ferrollari.

Tre të katërtat e bukës së blerë nga supermarketi përmbajnë po aq kripë në një fetë sa një pako me patatina të gatshme të kripura, kanë paralajmëruar aktivistët e shëndetësisë.

LEXONI GJITHASHTU:

• Amvisat i hedhin kripën bukës duke e matur me sy, nutricionistja: Nuk gabojnë
• Eksperti Granit Sokolaj: Në Shqipëri zero analiza për bukën nga AKU