Nga Tirana drejt Rotterdamit, rikthehen çerekfinalet e Europa League

Juventus, Manchester United e Roma vijojnë rrugëtimin e tyre për t’i shkuar deri në fund kompeticionit të Europa Ligës. 4 përballjet çerekfinale luhen këtë të enjte, ndërsa vëmendja është në Teatrin e Ëndrrave, aty ku djajtë e kuq presin Sevillan. Rashford është mungesa kryesore për vendësit, ndërsa i padisponueshëm është dhe Shaë.

Juventusi pret në Torino Sportingun, ndërsa një triumph në këtë kompeticion mbetet si shpëtimi i sezonit për bardheblutë. Të dënuar në kampionat dhe të eleminuar nga Champions, Allegri ka ndërmend t’i shkojë në fund garës. Dy përballje të tjera interesante janë, finalja e edicionit të parë të Conference League e zhvilluar në Tiranë mes Feyenoordit e Romës si dhe Leverkusen-Royal Union.

Skuadra e Jose Mourinhos ka 3 mungesa në këtë përballje mes tyre dhe Solbbaken, ndërsa tek Feyenoord vetëm Timber. Favoritë për të fituar përballjen cilësohen holandezët. Leverkuseni është e vetmja skuadër gjermane e cila vijon rrugëtimin në Europa League. Aspirinat në mbrëmje ndeshen me Royal Union, një përballje që nuk përjashtohen surprizat. Klubi belg në kampionat renditet i dyti, ndërsa në fazën e grupeve shkëlqeu duke rrëmbyer vendin e parë në grup.

LEXO GJITHASHTU:

• Nga Tirana drejt Rotterdamit, rikthehen çerekfinalet e Europa League
• City ‘shkërmoq’ Bajernin, Interi hap të sigurt drejt gjysmëfinales